Inosentensya by Flict-G ft. Lirico [Official Audio]

Music Produced by: Carlitos Del Rosario
Mixed & Mastered by: Flict-G
Executively produced, Post Production, mixed and mastered at:
Repablikan Records Shockra Productions

"Inosentensya" Lyrics:

Kahit 'di ako
Kahit 'di ako
Ay kasalanan ko
'Di naman po ako ganong kabuting tao, pero ma'am, 'di naman ako ganon kasama
Para gawin ko yung binibintang nila, eh wala naman po kaming pera pampyansa, kaya nagtitiis nalang po ako dito sa loob ma'am, 'di ko nga po alam kung kailan gugulong kaso ko eh.

Kahit anong patak ng luha buhusan man ng aking dugo ang bagay na to'y 'di ko mapatay
Ang apoy ng aking kaso na tuloy sa pag-alab na buong buhay ko na ang tinangay
Dami kong naiwan na ari-arian trabaho asawa at aking mga inakay
Nakakulong sa selda tumitibok ang puso ngunit para na rin nila 'kong pinatay
Di naman ako ang gumawa non
Nagkataon lang naman akoy nandon
Mahirap lang kami dumidiskarte lang kasi
Ang anak ko na maliit walang pambaon
Wala 'kong pambayad ng abogado
Wag mo naman pong dagdagan ang kaso
Kung mayaman lang ako baka hayaan mo na 'to
Baka kayo pa ang magkaron ng atraso

Kung muka 'kong kriminal
Kung muka akong gumagamit ng bato
Kung muka 'kong adik
Kung muka akong masama sa harap niyo
Kahit 'di ako
Kahit 'di ako
Ay kasalanan ko

Sabi nila ang hustisya daw ay para lang sa makapangyarihang tao dito sa mundo
Nung una ayaw akong maniwala pero ngayon nakita ko na kung ano ba ang totoo
Maliwanag dito sa loob ngunit ang karamihan ay 'di mapigilan paring mangapa
Kung makalaya man ako wala namang magbabayad ng mga araw at taon na aking nawala
Minsan di pantay ang kapalaran
Dahil sa pera nila na tangan
Pera dapat umiikot pero bakit nga ba pera na nagpapaikot satin kadalasan
Penge daw lagay yung nasa sa taas
Mahirap iusad kung walang padulas
Batas dapat ang nagpapaikot ng pera pero bakit pera na ang nagpapaikot sa batas

Kung muka 'kong kriminal
Kung muka akong gumagamit ng bato
Kung muka 'kong adik
Kung muka akong masama sa harap niyo
Kahit 'di ako
Kahit 'di ako
Ay kasalanan ko

May pangalan kang dala pero 'di ka nila kilala
Masakit ka sa mata ang katapat mo lang ay bala
Palamuti lang ang papel ng pobre lalo dun sa korte
Pampaganda ng eksena ang hustisya nasa tseke
Sampung taon at kalahati sa piitan ang sintensiya
Matapos nilang itanim sa'king bulsa ang ebidensiya
Pwede daw akong magpiyansa sa halagang nobenta mil
Sa tulad kong dukha imposible ganong kataas na bill
Kahit ako'y walang sala mapalaya ang request
Pitong buwan na ang nabuno hindi pa 'ko ini-inquest
Tagal lumakad ng papel ibang papel gustong ilakad
Nung wala kong pangbigay ang taon ko ang ibinayad
Panahon na ng Marcos pero hinihingi mo Ninoy
Isa lang amoy ng hininga nila pera ang simoy
Kung ako'y makakalaya wala nang naghihintay
Na magandang bukas paglabas dahil inyo nang pinatay.

Kung muka 'kong kriminal
Kung muka akong gumagamit ng bato
Kung muka 'kong adik
Kung muka akong masama sa harap niyo
Kahit 'di ako
Kahit 'di ako
Ay kasalanan ko